..رسالة

يا صاحبي ياللي شدِّيت القلوع
ورحلت عني في بحور الدموع
اتنَسينا ولا تُهنا ولا مُتنا ولا إيه؟
ولا يمكن عادي جداً بس حد يقول لي ليه؟؟
معرفش فين راح الكلام
ولا باقي عندي غير كلام
نفس القصة ومليون قصة جوه القلب
جايز تيجي في يوم واحكيها
ونخليها حكاية شعب
وجايز لأ
بس الحق
إنك لِسه عندي غالي
مش باستني
ولا باتمني
ترجع تاني
أنا عايزاك
وانت هناك
تعرف إنك عندي غالي
تاني وتاني
بقولك تاني
إن مقامك عندي عالي